"Twitter"in rəhbəri İlon Mask "ağıllı" televizorlar üçün "Twitter" tətbiqinin tezliklə buraxılacağını açıqlayıb.

Xəbər verilir ki, Mask bu barədə istifadəçilərdən birinin mesajını cavablayarkən bildirib.

İstifadəçi qeyd edib ki, o, "Twitter"i Smart TV-lərdə də görmək istəyir.

Mask ona cavab olaraq, "Yoldadır", - yazıb.

Eyni zamanda, milyarder Smart TV üçün "Twitter"in buraxılış vaxtı barədə məlumat verməyib.

Tətbiqin necə görünəcəyi və hansı funksiyanı yerinə yetirəcəyi də hələlik məlum deyil.

Aftafa.tv